منتديات بني عمرو

منتديات بني عمرو (http://forum.baniamro.com/index.php)
-   الخواطر (http://forum.baniamro.com/forumdisplay.php?f=77)
-   -   خلاص يمه (http://forum.baniamro.com/showthread.php?t=105632)

ياسر إبراهيم خليفه 03-27-2021 12:43 AM

خلاص يمه
 
السلام عليكم ورحمة الله وبركاته




خلاص يمه كفايه غياب
ناديني يمه
وحشاني ضمة الاحباب

والله يمه واحشنى دعاكي
اللي كان بيفتح الابواب
ووحشاني قسوتك يمه
اللى مليانه حنان وعتاب

خسران يمه
اللى منالش رضاكي
وانا بعدك بتقلب
فى نار وعذاب
يا جنه كانت عمر قدامي
وانا طيشي مغربني مع الأغراب
وتقولي يا ولدي ارجع
واقول
مفيش احلى م الاصحاب
يا مين بالزمن يرجع
وكل اللى اتغرب تحت القدم يركع
وينادي يا جنه افتحي لنا الباب

يمه خدني الشباب والطيش
ويا ريتني كنت م الدراويش
لا طولت الرضا يمه
ولا طولت رغيف العيش
ولا شبعت من حضنك الدافى
واديني ماشي على شوك الحياه حافي
وحمولي ما حاملاها اكتافي
يمه بحر الهموم عاتي
واتكسر شراعي ومجدافي

زمان يمه كنت تقولي
اصلب يا ولد طولك
ولا تنحني الا لمسبب الأسباب
يا ولدي الحياه غابه
يدوب تلقى لك صاحب
وباقى اللي في الغابه ذئاب
ومسمعتش الكلام يمه
واديني بدفع من طيبتي للكل حساب

خلاص غفلقت يمه
ومش فارقه الفتحه من ضمه
دي الكسره بقت يمه
من ساعة ما اتكتبنا فيها حضور
ولحد لما يكتبونا غياب

ما تنادي قوام يمه
وحشاني ضمة الأحباب

ياسر ابراهيم


الساعة الآن 01:07 PM

Powered by vBulletin® Copyright ©2000 - 2021, Jelsoft Enterprises Ltd.
SEO by vBSEO 3.6.0 PL2 TranZ By Almuhajir