قصيدة ..إهداء لأبو سلطان .... المدير العام

ياسعيد هـل الطيـب حبـوك حبوك=كلـن يعبـر لـك بحبـه قصـايـد
أنتـه كفـو واتجيرهـم لستجـاروك=ماهـو كـلام لسـان والا جـرايـد
كلام عكفان الشـوارب اليـا جـوك=انتـه ذراهـم فالليـالـي الشـدايـد
لك هيبه وفي مستوى الجدي حطوك=مواقفـك برقـاب ربعـك قـلايـد
ورايك مصيب لاأجهلوا واستشاروك=كايـد يابـن عثمان بالافعـال كايـد
حبـوك خطـلان اليـادي وعـزّوك=طيبك على كل آهـل الطيـب سايـد
الله ينسى اللي مع الوقـت نسيـوك=ياراعـي الطولـه طويـل البنـايـد
والله يهنـي مـن بالأفـراح هنـوك=وعسى إن عيدك يا أبيض الوجه عايد
كم من رجال من شقى الوقت ينصوك=ولاتبقـى مـن شقـاهـم شـرايـد
كل القبايل لاقسـى الوقـت نـادوك=لاقـل جـود اللـي يمـد الزهايـد
خالك وجدّك يا ابيض الوجه وابـوك=من طيبهم طيبك على النـاس زايـد

	صح لاسانك ياطيب الشارات يستاهل ابو سلطان والنعم فيه والنعم في قصيدتك الوجد جميله ويستاهل ابو سلطان والله يعطيك العافيه علي اختيار المعاني اللينه الجميله

اخي الحب الحب

قصيده تعبر مدى حبك لهذا الشخص

صح لسلنك وصحت ايدينك


بس والله تراااني زعلان ابي تسوي فيني قصيده


يعطيك العافيه حسن ويستااهل ابو سلطاان

ولكم مني ارق التحايا