منتديات بني عمرو

منتديات بني عمرو (http://forum.baniamro.com/index.php)
-   همس القوافي (http://forum.baniamro.com/f137.html)
-   -   قصيدة / بعض الخطأ.. (http://forum.baniamro.com/t105592.html)

سعيد عوض العمري 03-11-2020 09:53 PM

قصيدة / بعض الخطأ..
 
بعض الخطا يُقبل من الناس و يهون
إلا الظليمة و الردى و الخديعة

و اللي يودون الكلام و يجيبون
كم سببوا بين العرب من وقيعة

تلقى لهم عشرة وجيه ومية لون
وافعالهم في مجتمعهم شنيعة

واللي على لحوم الآوادم يعيشون
طبيعةٍ يا شينها من طبيعة

والصادق الوافي على ارقبنا ايمون
حتى ولو شفنا الخطا ما نذيعه

يحفظ مقامك في و جودك عن الدون
وان غبت نفسه عنْك ما هي وضيعة

حطّه على يمناك لا صرت محزون
محزم ظفر راعي الفعول الرفيعة

واللي يبينا يبشر ابقلب وعيون
يبشر بفزعة في المواقف سريعة

واللي يجاملنا ترى ابليس ملعون
لو ما يبينا افجوج ربي وسيعة

والرزق ما خافه من الرب مضمون
الخوف من دينٍ بدنيا نبيعه

والعمر ياهل الخير ما هو بمآمون
والمال والاهلون مثل الوديعة

يالله عسى في المغفرة منْه والعون
اللي نصلّي له ودايم نطيعه

وختامها صلوا على صفوة الكون
شفيعنا يا سعد من هو شفيعة

# ابو فارس #


الساعة الآن 11:46 AM

Powered by vBulletin® Copyright ©2000 - 2020, Jelsoft Enterprises Ltd.
SEO by vBSEO 3.6.0 PL2 TranZ By Almuhajir