المساعد الشخصي الرقمي

مشاهدة النسخة كاملة : صعيدي


ياسر إبراهيم خليفه
08-17-2018, 11:35 PM
السلام عليكم ورحمة الله وبركاته
تحيه طيبه لكم اخوتي واخواتي








صعيدي
للإستماع للقصيده
اضغط هنا (https://soundcloud.com/yasser-ibrahim-961176111/8qvzfl6pitgs)


صعيدي وفخري عِمْتي وشالي

معروف أصلي ومين عمي ومين خالي

بانيين من طينا بيوت وخُطانا مشهوره بالنبوت

ويافرحة طبلنا البلدي

لما تطيب لنا بلدي

وضلتها شجرة توت صعيدي



صعيدي وزرعي محلاه في خضار العود

وارضي دي عرضي ونبض قلبي يجود

ويكحل عيوني ترابها دي نن العيون السود

يا لمة العيله كل ليله يا عيدي

تضحك حروف الكلام لما اقول انا صعيدي



صعايده ولضيوفنا نفرد دراعنا بالاحضان

صعايده نكرم زايرنا ونكرم له بلده كمان

معروفه مروتنا ماحنا ولاد جدعان

ولما يهلو نقول يا ضيوف زيدي

وعلي قد محبتهم يا ارضنا جيدي صعيدي



صعايده ونمشي في طريق الصحبه لاي مكان

ووسط ليل الغربه اسود شجعان

ولا نهاب الليالي السود

اسود ومخلفانا اسود

ومكدبش اللي قال

رجال وولد رجال

ولا يفرق معانا المال

مهما يا دنيا تعاندي وتزيدي



قنا يا منبع الابطال

يا عقل راسي وسط موج واهوال

سوهاج ناسي وعارفه موانيها

مهما بحرها هاج

واسيوط

أسيوط يا صوت الحق اللي جامعنا

يا كنيسه مبنيه في حضن جامعنا

علي ارضك اللمه تجمعنا

لمة العيله الليله يا فرحتي وعيدي

تضحك حروف الكلام لما اقول انا صعيدي



بقلمي : ياسر إبراهيم خليفه

(بكاء بلادموع)

dr_zakaria
08-19-2018, 03:30 PM
الصعايدة اجدع ناس على راسي معظم أساتذة الطب في كلية الطب البشري عين شمس كانوا صعايدة على أيامي 1976 م....أخوكم زكريا العطاري بني هاشم القرشي المكي طبيب مركز صحي بني عمرو

ياسر إبراهيم خليفه
10-27-2018, 06:07 PM
بارك الله فيك دكتورنا