المساعد الشخصي الرقمي

مشاهدة النسخة كاملة : دهب قشره


ياسر إبراهيم خليفه
07-24-2018, 07:31 PM
دهب قشره

https://www.youtube.com/watch?v=BdM9Ut7KPT8


دهب قشره

عاجبكم شكلي وملامحي
لوني بلون النيل
المزروع علي تربته قمحي
وعيوني الخضره شاغلاكم
وبصه غريبه علي وشي قالقاكم
طب أمشي ولا أستنى وألقاكم
صدقوني مش هعجبكم
أصل كلامي من الوجع هيشيبكم
مدام بتبصوا للمظهر وللبشره
أكيد هتتغروا بدهب قشره

جوا القلوب جمال رباني
مفيهوش غش ولا تزييف
مستحيل قلبي يدق بنبض قلب تاني
حتي لو بيموت وضعيف
قلوبنا في كف مولانا
هو إللي يغير معالمها
هو العالم باللي جوانا
وخفايا القلوب مين غيره عالمها

بإيده يقلبها او يثبتها
بإيده يخلي الهوى سلطان
او قلوبنا يموتها
لما تحن لعشق زمان
لناس هانت عليهم العشره
باعت صاغة دهب
علشان جرام قشره

يا عشاق المظاهر مع الإتيكيت
انا صعيدي وباني بطين البيت
وارضي سقيتها من عرقي
ودموعي لما بكيت
ولو عاجبكم قميصي خدوه
وادوني جلابيه وغيط
وجاموسه أرعاها
وكام غنمه وكام معزه
ياما جا من ورا الجاموسه
كتاب وياما طلع واعظه
مشايخ علمتنا اصول
وكتبهم للثقافه اصول
وجابوا في الادب بالأدب
عشره على عشره
ناس دهب ماهيش قشره
يا عشاق الدهب قشره

يا بايعين عشرة سنين ببلاش
بعتلكم سنين عمري وكأنه مجاش
وسهرت ليالي أواسيكم
علي اللي إنجرح فيكم
ولما طاب للزمن جرحي
دورت عليكم وملقتكوش
بقالي سنين مصاحب بياعين عشره
بقالي سنين شاري دهب طلع قشره


ياسر إبراهيم خليفه
(بكاء بلادموع)