المساعد الشخصي الرقمي

مشاهدة النسخة كاملة : كيفي وعلى كيفي وبكيفي


ياسر إبراهيم خليفه
07-09-2017, 11:23 PM
كيفي
وعلى كيفي وبكيفي

صعيدي
وحبي صعيدي وكيفي

ماهو مش كل واحد
اغير نفسي علشانه
يا تحبني زي ما انا
ياتروح تشوفلك حَبيِبَه تعبانه

وما يغركش ان ضحكت

ممكن اضحك بس ضحكتي
تحرق في القلب بركانه

وان شوفت مني دمعه
اعرف اني الصعيدي لما يبكي

بيبكي علشان
اتهد فى القلب جدرانه

عايزه تحبيني
حبيني كده زى ما انا

بطبعي وكيفي
بفرحي لما اغني
فى الهوى لطيفي

وبحزني
لما ابكي
على فرقة وليفي

ومتعاندنيش

اوعي يغرك
اني علشان بحبك
هطاطي راسي

دانا بين هامات الحب
اسمي الشموخ
ومرفوعه راسي

ولو فاكراني بكدب
روحي اسألي اهلي وناسي

هيقولوا لك
قلبه طيب
حتى دمع عينه قريب

بس لو حاولتي تهدي فيه
احساس الكرامه
يبقى عليكي يا الله السلامه

هتشوفي وجع
متتخيليش ممكن في يوم
تشوفي زيه

اصلك مجربتيش تحبي
زي حب الصعيدي

بقلمي: ياسر إبراهيم خليفه
(بكاء بلادموع)

عطر الحكي
09-30-2017, 04:30 PM
يعطيك العافيه
كلمات جميله

ياسر إبراهيم خليفه
10-06-2017, 10:31 PM
آل بني عمرو


شكرا لتواجدكم وحروفكم

شكرا لعطائكم

شكرا من القلب أحبتي